mercoledì 23 marzo 2011

LA CONTE MISTERIOSE (10) PREDI DI PAÎS - soluzion

Ve chi, come simpri a opare dal nestri preseât Garzon de Ostarie, ancje la soluzion de Conte Misteriose numar 10

Soluzion

Autôr: Caterina Percoto

Titul origjinâl: Prepoco
Tradutôr dal origjinâl: Il Garzon

Notis:
Fra dutis lis figuris di predi che si puedin cjatâ in leterature, par metint une dongje di chê descrite di Adalbert Stifter, ripuartade in struc te conte misteriose numar 8, o ai sielzude cheste di Prepoco, di Catarine Percude. La conte mi veve za impressionât di fantacin, cuant che o vevi let pe prime volte la storie di chest predi di paîs: no mi pareve pussibil che un predi al podès vê cheste sorte di pinsîrs a strussiâlu; o pensavi che un predi al ves tal cjâf dome preieris e che cun chês al podès svolâ te vite lizêr tant che un passarin. E invezit no! De conte e ven fûr une persone folcjade dentri di rituâi liturgjics ripetitîfs, intune condizion subide plui che cirude, une persone tradide, disvignidride di fuarce di une sô altre vite, une persone sierade dentri i cuatri mûrs de cjamarute tant che intune “scjatule di piere”. Di deventâ mats! O perdonarês ancje culì un piçul travisament dal non (si varès di voltâ “Prepoco” in “Prepôc” o “pre Pôc”), fat dome par che no si induvini la conte propit di bot.

2 coments:

Dame mit Fächer ha detto...

O jeri lade fin in Piemont, cun Revelli, invezit bastave fermâsi in Friûl, ma cent agns prime. Il scrit origjinâl da la Percoto lu sint "modernizât" ta la version furlane dal Garzon. Biele e biel ce che a si lei ta la soluzion.
La conte (cumò che o sai l'autore) jo le ai cjatade tal sît dal Istitût Percoto

http://www.liceopercoto.ud.it/index.php?option=com_content&view=article&id=153:prepoco-biografia&catid=57:narrativa&Itemid=116

gelostellato ha detto...

sì, propit biele, un biel lei...
brâf garzon... propit brâf

O varès alc di dî

Ti sêstu visât di firmâti? :)