venerdì 18 marzo 2011

Le molte

Etto Margueret . le molte . 2004

tant Stele che Bise si voltin in spiete
che al vegni a scjariâles dal lat de zornade
e sintin les dalmines ma no si cuietin.
va in là - ur dîs Just - e tu ferme chê code

le sente a trê pîts, un a-glorie-di-diu
e al tiche di gust el prin sclip tal seglot
ma in curt si cuiete cul cressi de sbrume.
cumò Stele e rumie ma le Bise e sta in lute.

cetante pazience par vê un tic di gjonde:
che mai les batudes dal cûr si cuietin
tal cirî fûr el seren te zornade.
par un che le molç son in tancj che le pontin.

di el fari
Conte n. 170

4 coments:

Anonymous ha detto...

Sino sigûrs che e sedi une conte curte?
Mi somee plui une poesie o une prose poetiche.
O varìn di viodi se la nestre ostarie e à la licence par meti fûr ancje chest gjenar ca ;)

il Camarîr

Anonymous ha detto...

Dutcas, sior Camarir, le "robe" jé tant biele che nus oblee a dì a l'autor - il fari cal sa doprà i so imprests cun tante grazie - cal continui a bati, a bati...
Mandi
Frank Spada

Contecurte ha detto...

Tant par començâ, benvignût Fari!
In Ostarie al covente simpri un Fari, no si sa mai di restâ sierâts di fûr...
E pal fat de conte, che tu nus âs za dit che si svicine plui ae poesie, ti spietin le prossime volte, cuntune conte plui conte ;)
Mandi e un lunc bonstâ chi a Contecurte!

Chei di Contecurte

Jaio Furlanâr ha detto...

O le cjati un grum ben scrite e mi domandi cemût che si puès inmó scrivi alc cussí par vie che le int che a molç a deventade rare da cjatâ.

O varès alc di dî

Ti sêstu visât di firmâti? :)