lunedì 11 aprile 2011

Lenghe Furlane:Lei par furlan

O sintìn di spes dî che scrivi par furlan al è dificil e o podin jessi dacuardi. 
Ma, al à pensât l'Ostîr, isal tant dificil imparà, in struc, lis regulis di grafie di fonde par rivâ adore a rangjâsi, inte leture de Lenghe Furlane?
In fin dai conts, nol è dite che un al vedi par scugnî di imparâ a scrivi par furlan, e anzit, par nô di Contecurte, al è impuartant, prin di dut che cualchidun al vedi gust di lei lis contis, si no tant vâl scrivilis, nomo?
E alore ve chi che o cjatais une rispueste in chest document, scjamabil in formât pdf fracant achì. In struc, in maniere ironiche e par imagjinis si ripuarte lis difficoltâts che si cjati, par solit, inte leture de lenghe furlane.
Il document al è stât metût adun dal Ostîr e revisionât dal Camarîr e voaltris di Contecurte o sês il prin public che lu viôt, par capî se al pues jessi util o mancul.
Scjamait... e fasintnus savê! :)

6 coments:

Anonymous ha detto...

Scusait, ma tal cas che cualchidun nol si sint di leilis, isal obleat a scrivilis?
Dutcas, il document a l'è scjamabil, baste dome decidi tra PDF e EPUB.
Mandi
Frank Spada

michi ha detto...

No rivi a discjamâ il pdf !
mandi
Michi

gelostellato ha detto...

@Frank
No epub, al è il formât che si dopre cumò par i libris in ebook, nol à sens in tal câs di une pagjine. Il pdf al baste e vanze :)

@Michi
cumò soi a vore e non pues scjamâ, usgnot o provi a viodi di cjase ce problemes che a son e o comedi

Mandi!

gelostellato ha detto...

O ai provât a scjamâ e al funzione, a part cualchi secont di spiete.
mi pâr dut a puest...
se son fastidis fasenus savê di ce tipo.
:)

Galliano ha detto...

O vuei contâus che al secont tentatîf o ai podût discjamâ la pagjine, le fotocopiarai pai arlêfs dal "Taller di furlan" de Societât Furlane di Buenos Aires.
Al è un materiâl didatic impuartant.
Mandi
Galliano

gelostellato ha detto...

Gracie Galliano.
O vin gust!
:)

O varès alc di dî

Ti sêstu visât di firmâti? :)