mercoledì 4 maggio 2011

LA CONTE MISTERIOSE (13) DUT PRONT PE VITE


A vevin fate la ultime rampe di scjalis di corse pe premure di rivâ biel prest tal lôr apartament. Al jere za pront par lâ a stâ. A jerin setemanis che […] a passavin lis lôr seris a puartâ la robe. Ur someave une aventure mostre il fat di vê chê cjase dute par lôr. Nissun dai doi nol veve mai vûts mobii prime di cumò; fin di fruts, a vevin simpri vivût in cjamaris o apartamentuts mobiliâts. A pene jentrâts a faserin un zirut atent des stanziis, controlant, stazant, amirant ogni robe, come che no savessin za a memorie ogni articul che al jere dentri. A restavin incantesemâts in maniere assurde par ogni singul articul de mobilie. Il jet di dôs personis cui linçui gnûfs di pache za pleâts su la coltre colôr di rose! La blancjarie e i suiemans a jerin metûts vie in ordin tal armâr! Il taulin di pleâ, lis cuatri cjadreis in stîl antîc, lis dôs poltronis, il sofà, la scansie pai libris, la stuerie rosse, il puartecjarbon di ram, che a vevin comprât a bon presit al marcjât […]! E e jere dute robe lôr, ogni singul ogjet al jere di lôr proprietât esclusive […]. A jentrarin te cusinute. Al jere dut a puest, fin al plui piçul particolâr. Stuute a gas, paremoscjis pe cjar, taule smaltade, disgoteplats, padielis e pignatis, cjalderin pal te, seglâr, canavacis, peçotis par suiâi plats, fintremai une scjatule di polvar di lavâ, un pacut di savon a scais e mieç chilo di sode in polvar intun vâs di marmelade. Dut al jere za pront par jessi doprât, pront pe vite. Si varès podût preparâ un gustâ li par li. A restarin, tignintsi pe man, dongje de taule smaltade, a amirâ la viste de stazion.

Sielte e voltade par furlan
dal Garzon de Ostarie

12 coments:

HaDa ha detto...

in maniere assurde

HaDa ha detto...

a "sune" ben.

Ma mi samee di sintì un mar di vos che disìn no. Mi sbagljo'
Pues jssi.

gelostellato ha detto...

ma...
jo no ai induvinât :(
par cumò no ai mai induvinade cuasi nissune...
il garzon mi bigule simpri :)

HaDa ha detto...

sino in Russie, secont te?

HaDa ha detto...

O in Irlande, Angela's Ashes?

gelostellato ha detto...

nus tocje spietâ il garzon, secont me :)

Dame mit Fächer ha detto...

Si trate di apartament tal slargiament di Edgware Road, tal centri di Londre.

Anonymous ha detto...

Ha! Da... Bete di une Dame mit Facher! Che ha pazientat tant che... brave e brave.
Frank Spada

Dame mit Fächer ha detto...

Frank, achì no si trate di "kenzie pennate giganti", ma di Aspidistra ...

Lis plantis di Aspidistra e jerin vivudis agnorums in cjase me, a partì da la none, ma jo o soi rivade a falis secjâ. Il non par furlan no lu sai o no mi lu visi plui e tocjarà domandâlu a me sûr plui grande. Par solit lis plantis noaltris li clamavin cul non da la persone ca veve furnît il tocut di talee da raventâ.
In dutis lis lenghis co ai controlât a si dîs Aspidistra, mancul che par todesc, Schusterpalmen, come a disi la palme dal cjaliâr, propite parcè a sopuarte cjalt e polvar come ta lis buteghis di chest mistîr.

Bon, fate dute cheste tirade o varès gust di savè come che la none dal Garzon a clamave l'Aspidistra.

Anonymous ha detto...

Dame, par cumò, che si contenti di savé che a Cividal... ioioi, a l'é dut un quarantevot e il sindic... puar omp, nol sà trop rosis a l'ha di meti ator che urbanisazion!
Cal sedi il cas di conseà el Comun di taponà vie dut cun plantis ballochis?
Frank Spada

Il Garzon ha detto...

Se o podès fevelâ cun mê none...

Ma o pensi che jê e varès dit "un vâs di vert", come che si viôt te soluzion publicade vuê.

Compliments ae Dame, in ogni mût.

Anonymous ha detto...

Apprendo ora ufficialmente che l’amico Raffaele Serafini ha vinto il concorso VinciRobin con il racconto “Un Faust esordiente”.
Complimenti e che il Gelo lo attanagli dal rimorso di aver venduto l’anima!
A voltis, une gnove e salte fur mior voltade par talian ;)
Frank Spada

O varès alc di dî

Ti sêstu visât di firmâti? :)