venerdì 3 giugno 2011

Concors e mostris

Ancje chest an, il Comun di Glemone al inmanee il stimât concors leterari in lenghe furlane “Glemone îr, vuei e doman” che al è rivât aromai ae XV edizion e che al clame dongje un numar simpri plui slargjâts di partecipants, cun oparis di valôr simpri plui marcât.
Il concors si compon di trê sezions: la prime dedicade a un saç; la seconde par un lavôr di didatiche dal insegnament in lenghe furlane tes scuelis de infanzie, primariis o secondariis di prin grât; la tierce, riservade ai fruts des scuelis primariis o secondariis di prin grât, par un test in lenghe furlane. Lis oparis a van consegnadis al Comun di Glemone dentri dai 21 di Otubar dal 2011.
Par vê plui informazions, si pues consultâ il sît dal Comun di Glemone (http://www.gemonaweb.it ) o pûr contatâ il Sportel sorecomunâl pe lenghe furlane dal Glemonàs al numar 0432.973233, orari pal public miercus, joibe e vinars des 10 fin aes 12.50; e mail ur@com-gemona-del-friuli.regione.fvg.it

La scjadince pe consegne des fotos dal concors «Interpretando Frank Spada» di Remanzâs e je stade posticipade a lis 12.00 dai 16 di lui 2011 (info li di http://www.informagiovaniremanzacco.com/ ).

Sabide ai 28 di mai li dal cine Visionario di Udin si è screade “Riviei di ingjustri”, la mostre des taulis origjinâls dai fumuts su la Joibe Grasse che a àn partecipât ae edizion 2010 dal Premi Friûl di Onde Furlane. La esposizion, inmaneade di Radio Onde Furlane e de Associazion 1511 cu la poie dal Comun di Udin, si insuaze intes iniziativis pai 500 agns dal riviel de Joibe Grasse.

3 coments:

Anonymous ha detto...

La scjadince pe consegne des fotos dal concors «Interpretando Frank Spada» di Remanzâs e je stade posticipade a lis 12.00 dai 16 di lui 2011 (info li di http://www.informagiovaniremanzacco.com/ ).
No sares mal se a vincilu al fos un furlan, magari un contecurtar!
Marta

Anonymous ha detto...

Vué, tant par bati il fier, fintremai ca l'è cjalt e soredut parcé il soreli a l'è nulat, us visi che il concors a l'è viert a duciis, talians e forests in tor pal mont, ancje a chei di Feagne.
Mandi
Frank Spada

Anonymous ha detto...

Ancje a chei di Feagne? Benon e alore vive chei di Feagne che dai mus e an cjapât la caparbietât e no sôl che dote!

O varès alc di dî

Ti sêstu visât di firmâti? :)