mercoledì 27 luglio 2011

CONTECURTE 1511 a Vençon

No. No steit a cjapâ pôre... il cjalt no nus à ancjemò riduzûts in cheste maniere.
Nus plaseve però interompi la publicazion des nestris contis de Ostarie Viere par comunicâus che Vinars ai 5 di Avost, si davuelzarà une serade inmaneade dal Comun di Vençon, dulà che nô di Contecurte, come che za o vin fat pe serade di Rivis di Sedean, a prestarìn vôs e contis a che de Associazion 1511, par une serade a teme storic-naratîf sul riviel di 500 agns fa.
La serade e je proviodude par lis 9.00 sot sere, alì dal Fuartin Venezian, pene metût a puest, dilunc la strade che di Vençon e puarte bande Bordan, dilunc l'arzin dal Tiliment.
Us spietìn!

venerdì 1 luglio 2011

POLSE ESTIVE

E je vignude la ore di meti in polse, come che o vevin dite, la nestre Ostarie e cirî di gjoldisi il cjalt, profitant par pensâ ai progjets pe prossime stagjon.
A ogni mût, come che o vin anticipât, la publicazions des contis no va in polse, par che o doprarìn chescj  mês che a vegnin par par ri-publicâ lis contis de Ostarie viere, magari rignovidis cuntune gnove imagjine o corezint cualchi falope, se la cjatin. Planc planc, cussì, o varìn dut l'archivi des contis inte gnove sede, e magari e je ancje une ocasion par tornâ a lei une conte o par leile pe prime volte, par cui che al à començât di pôc a vignî a Contecurte.
Al è clâr, par altri, che chei che nd' àn la ispirazion di scrivi contis, a podìn mandânusalis istes: o proviodarin a dai un cuc e se a son buinis, a metilis in bande pe gnove stagjon.
Mandi a ducj, cjacarait furlan e buinis vacancis!
Chei di Contecurte