martedì 30 agosto 2011

Romanini prin in tre riis

Un dai nestris contecurtârs al à vinçût il premi di «In trê riis», concors leterari par un romanç par furlan di non plui di 180 batudis, riservât a concorints cun mancul di 35 agns e rivât ae seconde edizion. Il vincidôr jenfri i siet finaliscj segnalâts al è stât difat Christian Romanini cul test intitulât «Un altri carnevâl».
Ve chi il test dal "mini romanç":
«Lui le cjalâ. Jê, sbassant i voi, e sintive cressi chel sintiment che i scjaldave il cûr. E di lontan i fûcs dai palaçs dai siôrs a inluminavin la gnot de Joibe grasse dal 1511»
Compliments a Christian (te foto parsore la premiazion: Chris al è chel plui grues di ducj ;-D) di bande di dute Contecurte! Ogni tant cualchidun al proteste parcè che achi  no si permet di doprâ plui di un tant di batudis. Viodeiso che a alenâsi cussì al covente a alc? ;-)

sabato 6 agosto 2011

CONTECURTE 1511 a Vençon

O interompìn la publicazione des Contis de Ostarie Viere dome cun chest piçul post, che di fat al siere la nestre stagjon lassantus il librut digjitâl de Serade Contecurte 1511 a Vençon.
Us invidin ducj a tornâ a cjatânus a Setembar, cuant che o tornarìn a vierzi, e soredut, se o vês ispirazion in chestis setemaniti di fin Istât, a mandânus lis vuestris contis pe gnove stagjon.
Mandi!
Chei di Contecurte