mercoledì 10 giugno 2009

Dome lis mans


Jacum al pedale come un mat, un grop di pôre e disperazion che al bol e al smalite. Il manuvri si è inflapît come cere cjalde e si font cui braçs, l'açâl i disfe i muscui.
Lui al va indenant a pedalâ, si ferme dome cuant che si sdrume cuintri la scjalinade de glesie. Al jentre clopant come un cjochele, ma al zove.
La cjar e ferme di disfâsi.
– Ce mi aie fat chê maladete! – al busine, e subit daûr al tache a vaî, cjalant i doi munçûi infondâts inte aghe sante.

Nene e cjale so fie tornâ dal bosc, blancje come une muarte. Il vistidut al è dut a sbrendui, il sanc sec jenfri lis cuessis. No covente che i dîsi nuie parcè che e capissi ce che al è sucedût e cui che al è stât, e no i coventaran incjantesims par svindicâsi.
E sa za dulà cjatâ pre Jacum e ce che a doprarà par copâlu.
di Raffaele Serafini
Conte n. 50

4 coments:

Frank Spada ha detto...

Ostiir! Biele e malmostose juste. Ah, lis frutis vie tal sanc o inneadis in une conte, e nissun cal cjale a lor, nissun cal anticipe il mal da l'omp, grant e inquietant e soredut real ancje sot une tonache!
Mandi Raffaele.

Anonymous ha detto...

Chel cal rive par prin e al viôt, e no dome a chi, al a une dote, al e un grant regâl de mari nature: la cussience (o consapevolece). E scusait sa le pôc! Mandi a dûc Maurizio Di Fant

gelo stellato ha detto...

graciis!

Frank ha detto...

graciis... a cui e parcé? L'"ironie" (cence malizie) che tu varessis di cognossi ben e và mirade, distinte, insomme, e jo o soi ancjemo fer là, pront par metiti un +1 e tu... l'invit a l'è uffizial, satu, e un zuc ca l'è un event cence azard, ma stupidut tant che... Christian le ha mostrade e Jajo ancje.

O varès alc di dî

Ti sêstu visât di firmâti? :)