giovedì 23 gennaio 2014

Contis Cence Cjâf - i Vincidôrs!

MANDI A DUCJ!
E ve chi, di bot e sclop, i risultâts dal concors "Contis Cence Cjâf" scjadût cul 31 di Dicembar e cun dai timps dut câs no tant luncs, ancje se lu sai che lis contis a jerin curtis.
Ma jessint che il vuestri Ostîr al veve voie che cheste prime edizion dal Concors cence cjâf al fos une robe serie, e je stade une sielte di une zurie plui che cualificade, che si je cjapade il timp che i coventave. No mi crodês? Ve chi, la zurie dal premi:
  • CARLI PUP
  • PAULI CANTARUT
  • JAJO FURLANÂR
  • FRANCO MARCHETTA
  • L'ANTESCÛR
  • GIANFRANCO PELLEGRINI
Ce us parie? A mi, mi somee propit une super zurie, une vore esperte di Contis Curtis.
Us dîs subit. ma cualchidun al varà za cucât, che no son stâts dubis sui trê vincidôrs, ma al è saltât fûr un risultât une vore strani: un pari merit!
E alore a coventin dôs peraulis sui criteris di valutazion...
La zurie e à valutât tignint di voli, come che al jere just, il bant dal concors, che al jere un concors par contis, ven a stâi che a son stadîs valutadis miôr chês contis cence cjâf che a contavin pardabon une storie, pluitost che no. La zurie e à dât un vôt di 1 a 5 a lis contis rivadis.
A paritât di punteç, o ai calcolât il scart cuadratic medi (sì, lu sai, o soi mat) e in tes primis trê e je stade preferide la conte cul scart plui bas (al vul dî che in medie e je plasude di plui).
In câs di ulteriôr paritât e je stade preferide la conte di chel che al à mandât plui contis, jessint che al à fat plui fature. Chescj i criteris.
E alore no mi reste che fâi i miei compliments a RENZO BROLLO, che al è il vincidôr uficiâl de prime edizion des CONTIS CENCE CJÂF
Al secont puest, par vê mandât dôs contis, pluitost che une sole, XABI XOGRÂR DA PLÊF, e a sierâ la terne dai premiâts DREE VENIER.
Ma come che o vês capît, nol è masse impuartant cui che al vinç, ma cui che al partecipe, e jo no pues che dî graciis a ducj i contecurtârs che a àn partecipât e sparniçât chest concors
E alore vonde cjacaris, ve chi la classifiche!


  1. Epopee in cuatri riis di Renzo Brollo cun 24 ponts e scart 1,095
  2. La dumble sul Lât di Xabi Xogrâr da Plêf cun 24 ponts e scart 1,264
  3. La plene di Dree Venier cun 24 ponts e scart 1,264
  4. Libar di Galliano Remo de Agostini cun 20 ponts e scart 1,632
  5. Cjalâsi di Oscar B. Montoya cun 19 ponts e scart 1,471
  6. Diana di Xabi Xogrâr da Plêf cun 19 ponts e scart 1,83
  7. Il partigjan di Nello Malisano  cun 17 ponts e scart 1,602
  8. Tacâ a scrivi di Pauli Jacuss cun 16 ponts e scart 1,211
  9. Marum di Oscar B. Montoya cun 16 ponts e scart 1,366
  10. Mâc? 3 di Eduardo Baschera cun 15 ponts e scart 1,048
  11. Panic di Noemi Salva cun 15 ponts e scart 1,224
  12. Doi monts di Ana D'ambrogio cun 15 ponts e scart 1,224
  13. Pierino di Renata Visintini Lambertini cun 15 ponts e scart 1,224
  14. La vite di Nello Malisano cun 15 ponts e scart 1,378
  15. Agns Trente di Renata Visintini Lambertini cun 15 1,378404875
  16. Il gust di scrivi di Noemi Salva cun 15 ponts e scart 1,378
  17. Il svol di Noemi Salva cun 14 ponts e scart 1,211
  18. Mâc? 2 di Eduardo Baschera cun 14 ponts e scart 1,211
  19. La bondance e la miserie di Nello Malisano cun 14 ponts e scart 1,505
  20. Americhe di Oscar B. Montoya cun 14 ponts e scart 1,505
  21. In memorie di Pauli Jacuss cun 14 ponts e scart 1,505
  22. A Luciana 1 di Luciano Marinig cun 13 ponts e scart 0,983
  23. Istants di Ana D'ambrogio  cun 13 ponts e scart 0,983
  24. El vuarp di Silva Ganzitti  cun 13 ponts e scart 1,169
  25. Mâc? 1 di Eduardo Baschera  cun 13 ponts e scart 1,169
  26. Nêf di Silva Ganzitti  cun 13 ponts e scart 1,47196
  27. La cussience sporcje di Pauli Jacuss cun 13 ponts e scart 1,471
  28. None di Damiano Toffoletti  cun 12 ponts e scart 1,095
  29. Emozions di Galliano Remo de Agostini cun 12 ponts e scart 1,095
  30. Ricuarts di Mercedes Viscardis cun 12 ponts e scart 1,095
  31. Paisut lontan di Alicia Silvia Rivoldini cun 12 1,095
  32. D'Unvier di Silva Ganzitti cun 12 ponts e scart 1,264
  33. A Luciana 3 di Luciano Marinig cun 12 ponts e scart 1,264
  34. Libris di Mercedes Viscardis cun 12 ponts e scart 1,264
  35. Mai avaonde di Damiano Toffoletti cun 11 ponts e scart 1,169
  36. A Luciana 2 di Luciano Marinig cun 11 ponts e scart 1,169
  37. Imparâ di Margarita Tondon  cun 11 ponts e scart 1,169
  38. Gnot di maraveis di Galliano Remo de Agostini cun 11 ponts e scart 1,329
  39. Brancot di Damiano Toffoletti cun 10 ponts e scart 1,211
  40. Al gno cjanut di Renata Visintini Lambertini cun  9 ponts e scart 1,224

6 coments:

Anonimo ha detto...

E brâf Renso. Compliments. Cumò tu as ti paiâ di bevi te ostarie di contecurte. Scrivi dôs contis al mês.
Nelodifeagne

gelo stellato ha detto...

soi dacuardi! Renzo paie di bevi cussì!

Galliano ha detto...

Prin di dut, compliments ai vincidôrs di chest Prin Concors di “Contis Cence Cjâf”, augurantmi che oportunementri si ripeti.
Cence dubi e je stade une esperience interessante par tancj motîfs, une di lôr singolâr: che vedi motivât a partecipâ a personis di origjin furlan residentis a Buenos Aires, Argjentine. Di fat, sore 40 contis, 18 (45%) lis ân scritis lôr.
Congratulazions, Raffaele, pe tô gjeniâl idee.
Mandi,




Anonimo ha detto...

grassie a ducj, a zurie e ai partecipants. E prime di dut, al è stât une vôre biel lèi lis contis dai furlans atôr pal mont, brâs prime di dut a lôr. Al è ancje cussì che a si ten vîf il furlan. Maman di cûr a ducj, Renzo

Anonimo ha detto...

O gjavi il cjapiel a la bravure di Renzo e Xavier, mi inclini in un repeton di stime al lor lavor, che plasevule cjarece di peraulis smenteadis a sossola sostance di contignut, mi è stade pareli a une parie di cjampanis a visa cjalds acjadiments in lucs di fieste. Che Gio us tegni la man e la ment simpri cussi.
Scusait ma chist striament di botons no sai dopralu e cussi acents e cedilis e van tal cjot dal Gjambar.

Lussian di Varian

Anonimo ha detto...

Graciis a ducj chei che a àn scrit o che a àn let, e al ostîr che si è inventât chest biel zûc.
E un brâf ai furlans argjentins! Sta atent ostîr, che cheste volte ti è lade ben, ma la prossime ti tocje cjapâ l'avion par consegnâ i premis :)

Xabier

O varès alc di dî

Ti sêstu visât di firmâti? :)