lunedì 9 giugno 2014

Curtis che si tocjin e che si contin!


CURTIS E CHE SI TOCJIN
CURTIS E CHE SI CONTIN
Vinars ai 13 di Jugn 2014, 
aes 9 sot sere
a UDIN
in Place Marconi
ae fin di Marcjâtvieri
denant de librerie Ubik

Contis curtis e cul curtìs, 
contis letis e contis contadis. 
vinars 13, aes 9 sot sere
un apontament biel di fâ pôre! 
L'Ostîr Raffaele Serafini e il famei de vuestre Ostarie virtuâl Checo Tam, tignûts a bade di Maurizio Mattiuzza, cu lis contis de Ostarie e metint dongje chês dal laboratori Scolte&Conte tignût de Bottega Errante, us daràn di mangjâ contis curtis di ogni fate:
di tocjâ, scoltâ e contâ, e voaltris...
NO STÊT MANCJÂ!


4 coments:

Anonimo ha detto...

Pecjât no jessi li. Bepi

Anonimo ha detto...

O soi une vore curiôs di savê cemût che je lade. Bepi

gelo stellato ha detto...

Al podarès contâti alc il bon Jacum Trevisan, jessint che al jere li sie pe bande di Contecurtâr, sedi pe bande di un dal laboratori di scriture :D

Giacomo Trevisan ha detto...

Da la me posizion in “perfet ecuilibri” o pues disi che l'Ostîr e il Famei an dât prove - une volte di plui - da la lôr abilitât in un duel che i a viodûts frontâsi fin a stabilî che il vint al è stât dome il public che ju scoltave, striât de lôr storiis. Noaltris dal cors Scolte&Conte (cun Maurizio Mattiuzza e Marco Stolfo di Bottega Errante) si sin fâts onôr, gjavant fûr plui di cualchi batimans a la int che a vût il plasè di fermâsi a scoltânus. La robe plui biele però, par me, a e stade la presince di Franco Marchetta, che vin tignût (e continuin a tignî) dongje di no midiant lis sôs peraulis.

O varès alc di dî

Ti sêstu visât di firmâti? :)