venerdì 31 ottobre 2014

Un brut puest par lâ a fâ une pissade

“Tu no tu esistis, no tu puedis esisti!”
Cussì al berlà Toni al mostri che al veve denant. Al jere vignût fûr dal cimitieri ta chê sere novembrine; propit un zombie ma i zombies no esistin, no puedin esisti. Il muart al è muart, e vonde! Nol po cjaminâ. E pûr chel al cjaminave e i stave rivant dongje, scloteant. La musate blu, di fâ pôre; un vistît di chei che a dopravin di fieste i vielis di paîs, dut mangjât dai viers. Al sameave reâl. Un vêr zombie; a Toni no i pareve che al fos un om travistût. Al rugnave e al rivave simpri plui dongje, simpri plui dongje, simpri plui dongje cuant che… a doi pas di Toni che al jere fer, cantesemât, paralizât dal terôr… al sparì, a colp!
“Nol podeve esisti…” al pensà Toni. “Miôr lassâ pierdi chei fonghets che mê cusine mi à puartât di Camden Town… mi fasin viodi masse brutis robis…”
E cussì il nestri zovenat al le vie dal cimitieri ma… cun pas malfer e… al scomençà a scloteâ e intant si sintive strani… si cjalà lis mans… a jerin deventadis cianotichis!
“Rrrrrrrrrrrrrruhhh” al rugnà Toni.
di Checo Tam

4 coments:

gelo stellato ha detto...

perfetissime, par usgnot! :)

Anonimo ha detto...

Vistût di muart, o soi lât a sunâ il campanel dal gno vicin John.Vierzintmi le puarte mi a domandât: A cop ov tî ?
No savint se al voleve dî tea o thee come Alan Poe i ai saltât tal cuel par muardilu disint cun tune vôs da Gjude boe: No, a cup of you !
...E i soi tornât a cjase cence dincj !
Si, le conte a cole ben ma mi sarès spietât a une cianotiche bi...Fin.
Jaio

PS: Contimi ne storie da ridi o da vaî, miôr da ridi. 'Nd ere ne volte un cimiteri...
W. Shakespeare

Anonimo ha detto...

Jaio, a ju âstu lassâts tal cuel di John i tiei dincj, o ben isal stât lui a fatiai saltâ cun tune cjavonade? Bepi

Anonimo ha detto...

Ustiment ce porone! Adiudiudiudiu mi vegnin i sgrisui... adiuduìiudiudiu...

MISTER ROMERO

O varès alc di dî

Ti sêstu visât di firmâti? :)