sabato 22 novembre 2014

Hommage à Peter Hyams

I tecnics a plaudivin: il piçul Pathfinder al jere apene aterât su Marte e al moveve i siei prins pas sui cingui… ma dopo pôcs istants la telecjamare e incuadrà une grande ombre nere e po… plui nuie! Interot il colegament!

Mamoudah ben Ali al stave traviersant il desert ros te lungje strade che di Gundàm e parte a Timbuctù: al veve però cjapât un troi alternatîf passant par un puest che al cognosseve nome lui cuant che… il so camel al pescjà une strane scjatolete di lamiere che si moveve sui cingui.
di Checo Tam

5 coments:

Anonimo ha detto...

E je une barzalete a ùs chès di SENZA PAROLE no?
CT

Raffaele Lazzara ha detto...

PLUI CURTE DI CUSSI' ..... MAMAN, BRAF ....

gelo stellato ha detto...

ma cjale cui che al salte fûr ogni tant... e tu, une gnove conte, Rafaêl? ;D

Anonimo ha detto...

Une domande al astronom Bepi... cemùt su Marte a son dai aiars cussì fuarts se la pression atmosferiche e je 6 milesims di ché de Tiere?

Anonimo ha detto...

Checo, ce birbant dome a pensâ che Mart a nus vedi spudât ju tal desert il piçul Pathfinder! S'a fos vere, chei de NASA ti rispuindaressin che a son stâts chei aiars tant fuarts ch'al dîs l'anonim. Chês bueris a son gjeneradis sedi da la mancjance di un cjamp magnetic ch'al ten le atmosfere une vore sclagne, sedi dal sbalç de temperadure (tra -140° e + 20°), jenfri l'Invier cu la condense de aghe te atmosfere, e l'Istât cu la sublimazion de glace; duncje bueris che chês di Triest a fasin ridi. Anonim, viôt che jo o soi dome un passionât di astronomie, magari ch'a fos un astronom! Bepi

O varès alc di dî

Ti sêstu visât di firmâti? :)