mercoledì 19 novembre 2014

La comete

Roxane e netave ben i ufizis de NASA ma e jere masse curiose e no resistè a vierzi chê stanzie misteriose cun chel badge di un tecnic che e veve cjatât sul paviment.
Maravee! Une stanzie scure ma plene di lusutis che a rapresentavin lis stelis e al centri une grande piere, sui 2 mt di diametri, sospindude al sufit cun cuardis pituradis di neri e che no si notavin tal inprin. Un modelin di sonde al jere “aterât” su la piere e daûr di chel e stave une telecjamare… vêso capît? Roxane e stave ancjemò realizant a ce che e servìs chê “instalazion” ma cualchidun le cjapà pal cuel e le indurmidì cul cloroformi…
di Checo Tam

10 coments:

Anonimo ha detto...

Checo a pensistu che "l'acomentament" di Philae al sedi un complot? Cheste volte e sarès stade la ESA europeane insiemi cun ASI ch'e je taliane. Bepi

Anonimo ha detto...

Mah? Telecomandâ une sonde a 6 miliart di km cui segnâi che a rivin in ritart di mieze ore... e, daspò, ise passade indenne de fasse dai asteroits? O aie fat l'efiet-fionde e cuindi ancjemò plui strade? E parcè di norme in tv nus fasin viodi spesso e volentieri imagjins elaboradis al compiuter? No sai ce pensâ... che nus spiegassin ben lis robis quelle dannate teste d'uovo... il dubbio è lecito... se tu sgaris di un milimetri dopo 6 miliarts di km tu sês fûr rote... mi fidarès plui di Armstrong dome che un astronaut nol po stave vie agns
CT

Anonimo ha detto...

Ma inalore tu pensis che dutis lis missions spaziâls passadis, di une bande e di che altre, a sedin stadis bufulis. Jo o vevi seguît Voyager 1 e 2 ch'e jerin ladis ben plui in là dai asteroits, passadis dongje Uran e Netun e che cumò a si cjatin, biadis lôr, fûr dal sisteme solâr. Vino di crodi che ducj i bêçs che àn spindûts a sedin butâts vie? A mi displasarès une vore. Bepi

Anonimo ha detto...

Ancje a mi mi displasarès, Bepi... jo o soi come San Tomâs... Mi visi di vê seguît ancje jo dal 1986 il prog di Pieri Agnule In Diretta da Urano... pecjât che il titul de trasm al fos falât... si veve pitost di clamâlu "in differita da Urano"... Galileo al diseve "Eppur si muove"... no varès voe ke ancje cierts sienciâts si compuartassin come cierts intolerants religjôs e ke dut ce che a disin a sedin robe di veretât... Dutcâs a oressin bielis trasm TV esplicativis su come che a vegni vuidadis lis sondis...
CT

Anonimo ha detto...

Checo, sâstu ce ch'a no mi convinç de teorie dal complot: dute che int ch'a lavore sedi dentri e sedi fûr de ESA, talians, todescs, francês, isal pussibil che a nissun ai scjampi di dî alc, cemût isal pussibil mantignî dut segret. Daspò a ti doi reson al rivuart de ignorance dai nestris croniscj: ai talians de mission Rosete ai restarà iniment dome che il foradôr SD2 al jere di produzion taliane. Bepi

Anonimo ha detto...

Biele la storie

Anonimo ha detto...

nuie mal.

Anonimo ha detto...

Nol è ch'o crodedi a la teoria dal complot... forsi mi soi mitût a zuiâ cu la conte (e je simile a chê dedicate a Peter Hyams, regjist di Capricorne One)... però distès no rivi a capî cemût che si pues vuidâ un argagn a une distance cussì grande cui segnâi che a rivin tant dopo...

CT

Anonimo ha detto...

O pensi ancje jo che al nol sedi facil vuidâ une "robe" a 500 milions di Km di distance, ma a somee che a vedin lassade colâ Philae da sonde Rosetta, e che po la comete a la vedi tirade ju cun la sô piçule gravitât. Di fat a disin ch'a no sedi rimpinade tant ben e no si sa ancjemò se il nestri foradôr al vedi fât il bûs avonde a font! Starin a viodi. Bepi

Anonimo ha detto...

Une robe cussì epocâl e merete une atenzion continue de bande dai massmedia ma però al somee ke si sedin bielzà ducj dismenteâts di sonde e comete... Robis di mats! A mi ce mi interessial di Renzi o di telefilms mandâts in repliche cincuante voltis? Daitnus infos su la comete in prime serade!
CT

O varès alc di dî

Ti sêstu visât di firmâti? :)