lunedì 13 aprile 2015

Sgurladis e tarlupulis


Us pues capitâ, di gnot, butant une voglade al bêç robât che e je la lune, e il barbuç viers lis pontis dai pôi, di vualmâ sgurladis di ombre rapinose. Cagnàs, niblis, çus, civuitis, poanis, barbezuans… Svuai metûts adun par gafâ, disês voaltris. Jo no. Son curiandui tirâts tal scûr: a rodolin, a sbisiin, a smalitin, a son tarlupulis su arcs tirâts jenfri bave e frascje: gjostre par scurôrs, rivocs di vôs, presentiments.
di Raffaele Serafini
Contis dal Ostîr

5 coments:

Anonimo ha detto...

Robis che dome i poetis cui lôr voi di gnotui a puedin viodi. Bepi

Anonimo ha detto...

Sclesis di poesie: un miracul de scriture. Biele e graciis al scritôr.
Par dabon ė tocje il cûr.
Nello Malisano

Luciano Marinig ha detto...

Biele e ben sestade.Ae simpri la gnot a fa di moltiplicator aes sensasions umanes, e sa meti in sintonie le anime sul cur. Lussian

Galliano ha detto...

Un preseament al ostîr par cheste biele imagjine di une sintesi che cjale a la essenzialitât.

gelo stellato ha detto...

orpo! tancj preseaments. Graciis! e graciis a chei de Comunge che a àn vût coraç di publicâ robis cussì :)

O varès alc di dî

Ti sêstu visât di firmâti? :)