lunedì 24 agosto 2015

La conte misteriose (16): Il gjornâl gjornalmentri

Un siorut al cjape il curiero dopo vê comprât il gjornâl e vêlu metût sot il braç. Mieze ore plui tart al dismonte cul stes gjornâl, sot dal stes braç.
Ma nol è migo plui il stes gjornâl, cumò al è un pac di cjarte stampade che il siorut al bandone suntune bancjute de place.
Pene che al reste di bessôl su la bancjute, il pac di cjarte stampade al torne al trasformâsi intun gjornâl fintremai che no lu viôt un fantat, lu lei, e lu lasse trasformât une altre volte intun pac di cjarte stampade.
Pene che al reste di bessôl su la bancjute, il pac di cjarte stampade al torne a trasformâsi inmò une volte in gjornâl, fintremai che une vecjute no lu cjate, lu lei, e lu fâs deventâ un pac di cjarte stampade. Po dopo lu puarte cjase e dilunc la strade lu dopre par involuçâ un chilo di cartufulis, propite la robe che a coventin i gjornâi dopo i maraveôs cambiaments che o vin pene dite.
Conte Misteriose di... induvinâ tai coments 
voltade par furlan dal Ostîr

8 coments:

gelo stellato ha detto...

ca nissun al induvine... un piçul jutori: e je une conte di un autôr dal sud americhe

Anonimo ha detto...

Di non, al è Julio...

X

gelo stellato ha detto...

e mi sa che il nestri mister X a la sa...

Anonimo ha detto...

Contàzar...

gelo stellato ha detto...

Contàzar invezit di Cortazar al è gjeniâl :D
E just!

Anonimo ha detto...

Alore no ducj i svaris a vegnin a câs, Contàzar a è cuasi Contecurtâr . Vîno di notâlu a Contecurte ?

gelo stellato ha detto...

fate! i telefonistu o jo :)
ma isal vif :D
in ogni cas, induvinade
Julio Cortazar, al è l'autôr

Anonimo ha detto...

Telefonât, rispuindût San Pieri, no i à dât il permès..

O varès alc di dî

Ti sêstu visât di firmâti? :)