lunedì 5 ottobre 2015

LiO: La stagione della muta

Lets in Ostarie:
LA STAGIONE DELLA MUTA
More pulp tales
di Fulvio Romanin

CE LIBRI ISAL?
"La stagione della muta" al è il secont libri di Fulvio Romanin pe Kappa vu, tal 2012, simpri inte golaine La Comugne, ven a stai picinin - di misure - e ancje di pagjinis, che a son 168. Dentri si cjatin dôs contis, une par talian e une par furlan, anzit, cjargnel, di chel cu la O, che la conte che si pues cjatâ su cheste Ostarie.

MA CUI ISAL L'AUTÔR?
Fulvio al è cognossût plui pe sô ativitât intal cjamp musicâl, come fondadôr de ReddArmy o come un dai Madrac, ma come lavôr primari al opere cu la Ensoul e al è un Web designer e architet informatic espert di CEO. In ogni câs si pues viodi dut sul so profîl linked-in. Par bande scriture, invezit, une vore cognossût il so libri di critiche al sisteme de partide iva par artiscj, L'IVA funesta. Di bande narative il so prin libri al è, Niari - two pulp tales.

MA CE ISAL DENTRI, DI PRECÎS?
Dôs contis lungjis, la prime par furlan e la seconde par talian. La prime e je in cjargnel cu la o, ancje se tancj dialics a son par talian, e e je une storie nere che e viôt un miedi brut, ma brut, ma brut, che parcè che al è siôr si met dongje di une biele e stupide e al torne in Cjargno, dulà che al cjate un mont dal dut diferent... 
La seconde conte e je par talian e e conte il mont dal hip-hop e e je une rileture dal Faust che però di filosofic 'nt à une vore pôc, jessint che e pant dut il sistema dal business di chest ambient, fat di bêç, feminis, int stupide, masse di int come ocats, tristeriis, int che si profite di dut e une vore, ma une vore di pocje art. Ancje chi, la storie e tire sul neri... e si impare une vore di tiermins dal ambient.

MA A CUI I PUEDIAL PLASÊ?
A chei che no àn pôre di lei "paravolatos" intes contis, e che a àn voie alc di difernt, a chei chei i plasin lis contis sveltis, rapidis, che ti sticin a rivâ insomp intun marilamp, a chei che i plâs la cjargne, il cjargnel, il mont hip hop (o che a àn voie di cognossilu). A chei che a àn voie di fâsi dôs ridadis, intant che a lei. A chei che i plâs viodi cemût che un gjenar come il pulp a pues jessi doprât, jenfri lis riis, ancje par lassâ passâ cualchi biel messâç.

E SE O AI VOIE DI CJOILU?
Intes seradis de ostarie, inte cariole dal ostîr, a varessis di cjatâlu, o si no li di Onde Furlane, in via Volturno, o si no in cualchi librerie di Udin, o sul web, sul sito de kappa vu, su ibs, o insome, sgarfant tal web si cjate. Cun di plui, la seconde conte la podês ancje scjamâ di rive jù

2 coments:

Giacomo Trevisan ha detto...

Bielonon ancje il prin so libri "Niari"! Ostîr, atu tabaiât ancje di chel di cualchi bande?

gelo stellato ha detto...

sì, chi mi pâr
http://ilblogdigelo.blogspot.it/2008/02/niari-two-pulp-tales-di-f-romanin_18.html
e sul gno blog par furlan ma cuatri riis
como o zonti il link tal articul
se tu vûs fami tu la schede ancje par chel, prin o dopo le fas, in ogni cas.

O varès alc di dî

Ti sêstu visât di firmâti? :)