mercoledì 2 dicembre 2015

Un berli tal scûr


Si jere li cule man te man cirint di capî i pinsîrs che a lavin in bufulis e a platâsi tai nûi.
Mi crodevistu? Tu cjalavis il cîl e sieravis i voi. Tu disevis di sí cisicant alc jenfri i dincj e se nol fos chi lavi in brût di violis o varès crodût che tu tiravis un ostie.
Cujetiti! O sai chi no sai dîti ti ami parce che par furlan a mi no mi sune ma par te i lares sule lune e peât al to cuel mi pierdarès tai toi voi, po mi scuindarès tal to pet, imbusarés jenfri lis tôs gjambis e, mieç dentri e mieç fûr, o mi cjatarès cence peraulis, gjoldarès cuntun berli e colarès insumiât.
Alore tal dîs cumó: Ti voi bon, mone!
di Jaio Furlanâr

6 coments:

Anonimo ha detto...

Jaio a certes grandeces ur fasin un monument,ma tu oltri a fai chest monument tu as volut zonta parsore che biele poesie che al mont jere za cuant no esistevin peraulis.Biele e meritose conte. Lussian

Giovanni Nello Malisano ha detto...

Jaio ancje se tu ti imberdeis tal dî "ti amo" no tu sês secont a nissun poete tal contà ce che al passe tal cûr di un om e une femine cuant che si cjalin tai vôi. Brâf!
Vere, "ti amo", no je robe nestre.

Galliano ha detto...

Jaio,
Un biel esempli di cetant che si po dî cun pocjis peraulis.
Mandi

Giovanni Nello Malisano ha detto...
Questo commento è stato eliminato dall'autore.
OSCAR B. MONTOYA ha detto...

Jaio: en castellano hay un refrán que dice: "Lo bueno, si breve, dos veces bueno." Biele conte. Mandi.

Yaio ha detto...

Graziis a ducj i letôrs, al fâs plasê par tirâ indent:-) Oscar, Sí ya lo sabîa y en francès también se dice: Les blagues les plus courtes sont les meilleures:-) Su chest, no volarès sei obleât di scrivi simpri di mancul par faus dî che lis miôr dal Yaio a son lis plui curtis parce che par finî o no scrivarès plui nuie:-)
Un salût.

O varès alc di dî

Ti sêstu visât di firmâti? :)