lunedì 24 ottobre 2016

La gnove parabule dai talents


Vuê mi soi dismot cun chê di gambiâ il vanzeli: cjapìn le parabule dai talents.
Ta le visitu?

Il paron, ch’al veve di partî, al clame i soi trê servidôrs e, secont le lôr capacitât di vore, al dà fûr vot talents. Al prin servidôr i lasse cinc, al secont i lasse doi e al ultin i mole nome un. Cuant ch’al torne, dopo un pôc di timp, a ju clame tal so ufizi par che i rindin cont di ce che a àn fat cui bêçs.
Al prin al conte ch’al veve dopleât i talents (di cinc 'nt veve dîs) e cussì ancje il secont (di doi 'nt veve cuatri). Il paron al reste dut content.
L’ultin al conte che, par pôre, al veve soterât il so talent e jal torne. Il paron si al va in bestie e i sberle: “Tu vevis almancul di puartâlu in bancje che cussì, almancul, tu m'al tornavis cui interès! Valà a remengo!

Jo o lassarès le prime part compagne e o gambiarès nome le seconde part:

L’ultin servidôr al conte ch’al veve compradis azions da bancje di Vicense e gji torne, al paron, cjarte di cesso. Il paron al va in bestie e i sberle: “Servidôr coion, tu podèvis, almancul, soterâ il talent che, almancul, tu mi tornavis chel! Valà a remengo!“

Podie lâ le modifiche?

REFERENDUM:
SÌ par confermâ; NO par lassâle come che e jere.
di Franco Vigo

9 coments:

Pauli Jacus ha detto...

Franco, si tu fossis lât predi e tu vessis vivût cualchi secul indaûr a Rome, come minim a ti varessin taiât il cjâf, o rustît par ben. Pretindi di cambiâ il Vanzeli !!! Vade retro Satana.
La conte e je bielone ma no stâ contâle atôr , no si sa mai.
Mandi

Pauli Jacus ha detto...

AVÎS AI CONTECURTÂRS
no inmò socios de Societât Filologjiche Furlane.
Sul numar di SOT LA NAPE pene jessût, al è un bielonon articul di Jacum Trevisan su Contecurte, su le Ostarie e dute la famee.
Un altri biel articul al rivuarde Rafaêl, il nestri ostîr e il premi San Simon da l'an passât.
Tant di cjapiel a Jacum par chescj biei lavôrs.
Grassie Jacum e mandi.

P.S.: us invidi a deventâ socios de Societât Filologiche Furlane; dut al jude.

Anonimo ha detto...

Franco
franzio
tu sês brâf. Sperin di cjatâti a dilunc in cheste ostarie. Mandi e dimi se di Palermo o pues lei l'articul di Jacum Trevisan. Nol passarà tant timp che o deventarai soci de Societât Filologjiche Furlane. Mandi.

Anonimo ha detto...

Nello Malisano che si è dismenteât di firmâsi

Barbara ha detto...

Mi plasonona, Franco (come che a disin a Çarvignan, intal to Çarvignan) ancje cul finâl a sielte referendarie!!!Cheste sì che e je une inovazion struturâl de conte! Cuissà che no tu jentredis ancje su FB cussì tu viodaressis ancje la presentazion di dutis lis novitâts che rivuardin la ostarie e il mont figo de lenghe furlane. Mandi e complimentôns pe conte in vôs di...santitât "moderne"

Anonimo ha detto...

Pauli, par me cont a lu an bielzà cambiât lôr a Rome il Vanzeli, sint ch'a si son scotadis lis mans ancje lôr te Popolâr di Vicence e no dome ta chê. Bepi

Anonimo ha detto...

Pauli, o ai lêt ancje jo l'articul di Sot la Nape ch'al fevele di Contecurte e soi sigûr ch'a je une buine propagande pal nestri blog. Pense che jo le ai scuvierte pe prime volte propri leint Sot la Nape. Tancj compliments a ducj: Ostîr, Famei, Massarie, Berlon, Camarele e Contecurtârs. Notaisi ae Filologjiche e scriveit su lis sôs rivistis ch'a vegnin letis un grum ancje tai Fogolârs tal forest. Bepi

Anonimo ha detto...

Eco che chi mi torne fur le vos di gno nono, cuant mi diseve che il gjat e la bolp no son mai muarts,va cirile tu. Lussian

Gjovane ha detto...

Volarà dî che jo o ai une vision protestante, come nuie calviniste, da le parabule dai talents. O pensi che ognidun di nô al vedi a disposizion un ciert numar di talents - intindudis come cualitâts umanis - che al sarès ben di no butâju vie di bant.
Cheste "gnove parabule", a mi somee di plui a une cjatade a le Giobbe Covatta.

O varès alc di dî

Ti sêstu visât di firmâti? :)