lunedì 14 novembre 2016

La scudiele



«To nono Lindo di piçul al jere trement, nol stave fer neancje a pestâlu; ma neancje sô mari, tô bisnone Caruline, e jere une sante: a tignive simpri un butilion di neri, platât sot dal seglâr. Ben po, al capitave, une volte al mês plui o mancul, che jê i corès daûr par dut il curtîl, cuntune scudiele in man, fintremai che a fuarce di vitis no rivave a cjapâlu e sintâlu su la cjadree. A è une di chês voltis li che to nono al à pierdût il toc!»
«Par colpe di une scudiele?» O vevi domandât, no rivant a figurâmi la robe.
«Par colpe da lis fuarpis! A jerin fuarpatis di fier, mica come chês di cumò! A stavin un moment a scjampâti di man», mi veve spiegât mê none. E a mi, di chê volte, cun denant dai voi puar gno nono, cuntune orele che i mancjave un toc, a scugnivin simpri puartâmi dal barbîr di Talmassons, che al veve une cjadree a forme di cjaval, par rivâ adore a cunvincimi di taiâmi i cjavei.
di Raffaele Serafini
Contis dal Ostîr

14 coments:

Anonimo ha detto...

Cheste chi e je opare di Rafael, Salvadeat, Gelostellato cence fal, Bepi

Anonimo ha detto...

Bepi la conte tu le âs scrite tu. E lu sai no dome parcè che a cjante par prime la gjaline che à fat l'ûf, ma ancje parcè che o cognòs ben il to biel furlan. O scomet un altre butilie.
Nelo

Anonimo ha detto...

Nelo, dôs butiliis a fasin un butilion come chel de bisnone di Rafael. Ti tocje paiâlu a ti. Bepi

Anonimo ha detto...

Chel ca al è il Bepi,chel tai di cjavei cu le scudiele lu clamavin "al'umberte",in onor dal real.Lussian

Pauli Jacus ha detto...

Biel conte e par me e je la çate di Bepi.
Dîs po, ma cun chês fuarpiis rusinis, no i ise vignût il tetan a to nono?
Di chê a che altre; cui ae notiziis di Barbara, che a son doi mês che no si fâs viodi. Scrivìno a "chi l'ha visto?".
Mandi

Anonimo ha detto...

Barbara si conte, (i soi ricuarts) par talian, su Facebook. E je bravute.

Anonimo ha detto...

Rafael cence fal, Bepi

Barbara ha detto...

Par me al è Rafael, la fevelade e je le sô, mi visi ben di so nono Lindo intes "Contis di famee" che m'al ài supât (il libri) intun tic e tac (come ch'e conte Catine) e dispes o torni a lei chês che plui mi 'nd àn plasût. Pauli, o soi ancjemo a chi,in cjar e celulite...cualchi probleme cu la salût dal gno om e tant lavôr di manoalance di puartâ indenant. Ancje cul mâl, ma ben jemplât di antidolorifics, a si impense ogni dì plui di alc ce fâ e jo o soi chê che (cuant che mi soi maridade) e veve il pacut "all inclusive" par ducj i cjantôns là che al covente ...ma cetancj cjantôns no sono mai a chi????O scrîf su fb, ma dome robis di agns indaûr che o pues fâ "copie e incole" E...par jessi sclete fintremai in somp, cul talian no voi indenant cul jutori dal grant dizionari bilengâl furlan, cussì no j doi dut chel ce fâ a corezi fals a Rafael! O léi dutis lis contis istes, a cheste ore no pues plui fâ di mancul di "Contecurte" ...piês di une droghe (salvie, rosmarin, basili, picjis di garoful, pevar...)Mandi a cui che i soi mancjade e ancje a chêi altris! Barbara

gelo stellato ha detto...

par me corezi contis al è simpri un plasê, tant son curtis :D
scriveit scriveit! :D

gelo stellato ha detto...

e nie, chest colp al à induvinade Bepi! di bot, ma al veve vantaç :)

Anonimo ha detto...

Vere, vere il paîs e il nono.. no podevi sbaliâ, Bepi

Pauli Jacus ha detto...

Avîs par Barbara,
o ai cjatât il to mesaç inte segreterie e mi fasarès plasè saludâti a vôs.
Tu varessis di lassâmi il to numar, che po ti riclami jo.
Mandi

Anonimo ha detto...

Bepi, dimi cemût che o ài fâ par sdebitami de scomesse piardude. Se no ti displâs, ti promet che il vin al sarà bon, o compri la butili e la bêf jo in tô onôr. Se te mandi, par tant lontan che tu sês,il vin dentro, al vâ in asêt.Al sarés un pecjât.
Nelo

Anonimo ha detto...

Mi va benon Nelo, cîr nome di bevile un pôc a la volte par no incjocâti, magari suiânt dut cun tun plat di muset e broade.. ind ise a Palermo? Bepi

O varès alc di dî

Ti sêstu visât di firmâti? :)