sabato 26 novembre 2016

Il gno spieli braurin


2014 -Teme: cincuantenûf, ce diambar puedial contâ un numar?
A son i miei agns, a fevelin a cui che mi cognòs di mê, di cemût che o soi fate, des mês passions, des mês debilecis, dai miei riduçs, des mês lagrimis, des mês ridadis (mai tignudis dentri, e mai stratignudis, forsit, anzit di sigûr, no di siore plene di finece, ma scletis, e purtrop simpri masse da râr rispiet a dutis lis voltis che mi plasarès podê fâlu). Pal fisic no soi cuissà ce, la mê celulite e lis mês formis tarondis no mi angossin cuissà cetant, parcè che mi regali la scuse de menopause ( a lu disin parfin par television!), ma A MI e DI MÊ mi plâs la biade e legre incussience che o met dentri intes tramis de mês birbantadis che stan come une scarpe e une çucule cul numar dai agns. O ‘nd ài frecuentât un cors par imparâ lis fondis de gramatiche da la lenghe furlane e propit alì o ài sintût cun prepotence trop e cetant che mi plâs scrivi, no pal scrivi pûr e sclet, plui di dut pe condivision des emozions che e svolin fûr de pagjinis a imbraçâ, cjareçâ, e bussâ cui che mi "laike" ...ohh tropis a no ti cumbiniju?
O ài frecuentâ un cors di narative in lenghe furlane e o soi cussì tant fûr di coce da la contentece di jentrâ intun mont di fantasie e creativitât, (che jo o sint di no vê dentri di mê) che o soi li come une frute che a si divertìs, i miei prof, i miei "guru" e fevelin di "incipit", di digressions, di credibilitât dal lengaç, di ritmi e jo mi bêf li lôr peraulis, in cierts moments o rivi parfin a fevelâmi dentri in tal gno cjâf e a fâmi di bessole i compliments brauròse come che o soi, parcè che a mi pâr che cualchi volte a le ài induvinade cence savê, in plui di une conte che a mi à capitât di scrivi! Us prei però di no contâlu in zîr, parcè che se no il gno om mi fâs une biele strapaçade e lis sôs paternis a son piês di un seglot di aghe glaçade! Cun di plui, su sugjeriment di un altri prof o stoi leint tant di scritôrs e scritoris furlans e o stoi gjoldint une vore, di gjonde di frute, se pûr none, cundute la amirazion pe lôr braùre in tal savê a pandi lis emozions e lôr sì che a san a fâlu, lu fasin di Diu! Par vuê Barbara e à gjoldût avonde in tal tornâ a scrivi dopo vê riscjât di pierdi l'ordenadôr cundute la sô memorie, cuntune part (chê di frute, chê di femine, chê di none) di Barbara... Battel...
Cheste o soi jo...spudade... in anime e corpite (cussì e diseve none Aurore)
di Barbara Battel

10 coments:

Anonimo ha detto...

cjalantmi tal spieli.
Nelo

Anonimo ha detto...

Il me spieli braurin

Galliano ha detto...

Barbara, biel chest to scrutini.
Par me il titul, ancje se al somearès un tant frêt al è:
- Introspezion -

Anonimo ha detto...

" Cuant le anime sa viesti il so cuarp". Lussian

Anonimo ha detto...

Par me: Une none di gale. Bepi

Massimo Furlani ha detto...

Sledrosâsi

Barbara ha detto...

Nelo, Anonimo (forsit Nelo 2?), Galliano, Lussian, Bepi e Massimo grassie di cûr par i titui che o vês pensât par la mê conte. Mi vês viodude un tic "impegnade" o "freudiane", cualchidun mi 'nd à conseât di no jessi masse "vierte" di tignì par mê lis robis plui "intimis" (e lu fâs par il gno ben). Grassie di cûr par vêmi puartade a scuvierzi il gno titul...((((JO...SPUDADE...IN "ANIME E CORPITE" e disé None Aurore)))

gelo stellato ha detto...

Ae fin alore, ce metino?
Anime e corpite

Anonimo ha detto...

No, no... miôr "il gno spieli braurin" come che al diseve l'anonim.
Nelo

Barbara ha detto...

Rafael, o azeti il titul dal Anonim Ti domandi però di zontà in somp a la conte:"Cheste o soi jo...spudade... in anime e corpite (cussì e diseve none Aurore)

O varès alc di dî

Ti sêstu visât di firmâti? :)